ដំណើរជាសះស្បើយក្រោយសម្រាលដោយវះកាត់
អំឡុងពេលកំពុងត្រៀមខ្លួនសម្រាល អ្នកច្បាស់ជាចង់ដឹងខ្លាំង ពីវិធីសម្រាលណាមួយល្អសម្រាប់ទាំងអ្នកម្តាយ និងកូនជាទីស្រលាញ់ មែនទេ?
ជាអ្នកម្តាយមួយរូប ច្បាស់ណាស់ អ្នកពិតជាចង់បានអ្វីមួយល្អបំផុតសម្រាប់កូន! អ្នកម្តាយភាគច្រើនអាចនឹងគិតដល់ការសម្រាលដោយវះកាត់ ព្រោះវាងាយស្រួល ចំណាយពេលប្រមាណតែមួយម៉ោងប៉ុណ្ណោះ ហើយក៏មិនឈឺចាប់ទៀត។ ប៉ុន្តែត្រូវដឹងថា ក្រោយសម្រាប់ដោយវះកាត់ អ្នកគឺត្រូវចំណាយពេលយូរដើម្បីជាសះស្បើយដូចដើម បើធៀបទៅនឹងការសម្រាលតាមធម្មជាតិ។ អ៊ីចឹង! តោះនាំគ្នាស្វែងយល់តិចនិកជួយឲ្យសះស្បើយលឿន ទោះជាសម្រាលដោយវះកាត់ក៏ដោយ។
១- មានអ្វីកើតមានក្រោយសម្រាលកូនរួច?
ក្រោយសម្រាលបុត្ររួចហើយនោះ អ្វីកើតឡើងដំបូងទាំងអស់ ច្បាស់ជារឿងសប្បាយរីករាយខ្លាំង ការដឹងគុណ និងមានអារម្មណ៍រាងកាយយើងធូរស្រាលខ្លាំង។ ជាមួយគ្នានេះដែរ គ្រូពេទ្យ នឹងយកសុកចេញពីខ្លួនអ្នក បន្ទាប់មកដេរស្បូន និងស្បែកពោះយើងឡើងវិញ។ អ្វីកាន់តែអស្ចារ្យនោះ គឺដំណើរការសម្រាលដោយវះកាត់ទាំងមូល ចំណាយពេលត្រឹម ៤០-៥០ នាទីប៉ុណ្ណោះ។ ដំបូងបង្អស់ កូនអ្នកនឹងត្រូវក្រុមគ្រូពេទ្យយើងទៅពិនិត្យសុខភាពជាមុន បន្ទាប់មកក៏ប្រគល់ឱ្យអ្នកម្តាយវិញ ដើម្បីបង្កើតភាពស្និទ្ធស្នាលរវាងអ្នកម្តាយ និងទារក ទាំងនេះកើតឡើងនៅពេលអ្នកចាប់ផ្តើមអោបកូនជាទីស្រលាញ់លើកទីមួយ។
បន្ទាប់មក អ្នកនឹងត្រូវបញ្ចូនទៅបន្ទប់សម្រាកព្យាបាល រង់ចាំរហូតថ្នាំស្ពឹកអស់ប្រសិទ្ធិភាព។ ជាមួយគ្នានេះ ចង្វាក់បេះដូងអ្នក ក៏ដូចជាសម្ពាធឈាម ក៏ត្រូវពិនិត្យយ៉ាងម៉ត់ចត់ដែរ។ អំឡុងពេលនេះ បើអ្នកចង់បំបៅ កុំស្ទាក់ស្ទើរអី គឺអាចចាប់ផ្តើមបំបៅកូនបាន។
២- ដំណើរសះស្បើយក្រោយសម្រាលដោយវះកាត់
ប៉ុន្មានថ្ងៃបន្ទាប់ពីសម្រាលដោយវះកាត់រួច អាចជាពេលអ្នកត្រូវតស៊ូជាមួយស្ថានភាពមួយចំនួន។ យ៉ាងណា អ្នកម្តាយភាគច្រើនដែលសម្រាលដោយវះកាត់ គឺអាចក្រោកដើរបានធម្មតាអំឡុងពេល ២៤ម៉ោងបន្ទាប់ និង ៥ ថ្ងៃក្រោយ អាចចេញពីពេទ្យបានហើយ។ ទោះជាយ៉ាងណាក្តី អ្នកនៅតែត្រូវការពេលប្រមាណ ៦សប្តាហ៍ ដើម្បីអាចជាសះស្បើយដូចដើម ទាមទារឲ្យអ្នកត្រូវត្រៀមខ្លួន ដើម្បីបំពេញការងារនៅផ្ទះ ទាំងមើលថែកូន ក៏ដូចជាមានពេលសម្រាប់សម្រាកជាមុន។
អំឡុងពេលកំពុងសម្រាកនៅផ្ទះ គឺមិនត្រូវលើករបស់ធ្ងន់ៗនោះទេ ដើម្បីជួយឲ្យរបួសឆាប់ជាសះស្បើយ។។ កុំហាត់ប្រាណបែបធ្ងន់ៗ និងមិនត្រូវរួមភេទ រហូតទាល់តែប្រាកដថា អ្នកបានឲ្យពេទ្យពិនិត្យសុខភាពត្រឹមត្រូវ ដែលជាធម្មតាត្រូវពិនិត្យនៅសប្តាហ៍ទី ៦។ បើអ្នក ធ្លាប់មានបញ្ហាលើសឈាម ឬមានបញ្ហាខ្វះជាតិទឹក អំឡុងពេលសម្រាកព្យាបាលពីមុន គួរប្រញាប់ទៅជួបគ្រូពេទ្យឲ្យបានលឿនតាមអាចធ្វើបាន។
៣- ជម្រើសសម្រាលកូនលើកក្រោយទៀត
ទោះកូនដំបូងយើងសម្រាលដោយវះកាត់ក្តី មិនមានន័យថា អ្នកមិនសម្រាលកូនបន្ទាប់តាមធម្មជាតិនោះដែរ។ ជាក់ស្តែង ប្រមាណ ៧០% ស្រីៗសម្រាលដោយវះកាត់ និងសាកល្បងសម្រាលកូនក្រោយៗតាមធម្មជាតិ គឺទទួលបានជោគជ័យ។
៤- ជំនួយសម្រាប់អ្នកម្តាយសម្រាលដោយវះកាត់
* រក្សាទុកថ្នាំប៉ារ៉ា និង ibuprofen នៅផ្ទះរួចជាស្រេច។
* ចម្អិនអាហារម្តងទុកញ៉ាំបាន ២-៣ អ្នករក្សាទុកក្នុងទូទឹកកក ប៉ុន្តែត្រូវប្រាកដថា អាហារទាំងនៅសម្បូរសារធាតុចិញ្ចឹម។
* ស្លៀកសម្លៀកបំពាក់រលុងៗ ដើម្បីមានអារម្មណ៍ស្រួលខ្លួន និងមិនតឹងកន្លែងរបួសនៅពោះ។
* សម្រាកឲ្យបានច្រើន ហើយកុំធ្វើអ្វីដាក់សម្ពាធខ្លាំងនៅជុំវិញកន្លែងរបួស។
ចុចទីនេះ ដើម្បីដឹងថា របបអាហារល្អៗអ្វីខ្លះសក្តិសមសម្រាប់ស្រីសម្រាលអូនៗដោយវះកាត់
* គួររៀន និងស្វែងយល់ព័ត៌មានឲ្យបានច្រើន ដើម្បីចាប់ផ្តើមធ្វើជាម៉ាក់ៗល្អរបស់កូនអ្នក។
* ចុះឈ្មោះជាសមាជិករបស់ Aptaclub ដើម្បីទទួលបាន ចំណេះដឹងផ្នែកអាហារូបត្ថម្ភ និងកម្មវិធីប្រូម៉ូសិន។
បញ្ជាក់៖ រាល់ព័ត៌មានដែលវេបសាយយើងចេញផ្សាយដើម្បីចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវេបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕
ប្រធានបទពាក់ព័ន្ធ
អ្នកប្រឹក្សាយោបល់ រង់ចាំស្តាប់ និងពិគ្រោះជាមួយអ្នក អ្នកប្រឹក្សាយោបល់ផ្ទាល់ខ្លួនរបស់អ្នករួមមានជាអ្នកម្តាយផ្ទាល់ អ្នកទទួលបានឯកទេសឆ្មប
អ្នកប្រឹក្សាយោបល់ផ្ទាល់ខ្លួនរបស់អ្នករួមមានជាអ្នកម្តាយផ្ទាល់ អ្នកទទួលបានឯកទេសឆ្មប
កំណត់សម្គាល់សំខាន់៖
គ្មានអ្វីប្រសើរជាងការបំបៅកូនដោយទឹកដោះម្តាយតែមួយមុខគត់រហូតបាន៦ខែ និងបន្តការបំបៅដោះម្តាយរហូតបានអាយុ២ឆ្នាំ ឬលើសឡើយ។ យោងតាមអនុក្រឹត្យ 133។
ការចិញ្ចឹមកូនដោយបំបៅដោះ គឺជាទម្រង់ដ៏ល្អបំផុតសម្រាប់ទារក ហើយផ្តល់អត្ថប្រយោជន៍ ជាច្រើនទៅដល់ទារក និងមាតា។ នៅក្នុងពេលត្រៀមបំបៅដោះ និងអំឡុងពេលបំបៅដោះ វាគឺជាការសំខាន់ដែល គួរតែទទួលទាន នូវរបបអាហារដែលមានតុល្យភាព និងសុខភាពល្អ។ ការបំបៅដោះ និងប្រើទឹកដោះគោផងរួមគ្នា នៅសប្តាហ៍ ដំបូងនៃជីវិត អាចកាត់បន្ថយការផ្គត់ផ្គង់នៃទឹកដោះ ហើយនឹងធ្វើឲ្យការបំបៅទឹកដោះមានភាព លំបាក។ ជានិច្ចកាល ត្រូវពិគ្រោះយោបល់ជាមួយអ្នកជំនាញថែទាំសុខភាពដើម្បីសុំដំបូន្មានអំពីការចិញ្ចឹមកូនរបស់អ្នក។ បើសិនអ្នកប្រើទឹកដោះគោម្សៅផ្សំតាមរូបមន្ត អ្នកគួរធ្វើតាមការណែនាំរបស់រោងចក្រផលិត ដើម្បីប្រើប្រាស់ឲ្យបានប្រុងប្រយ័ត្ន។